P C 昔 日 評 論 !
|
小巴勁過三級方程式賽車 |
(轉貼) 講圈速一定係小巴佬勁!但講好灣,一定係巴士佬,尤其係渣港島半山,赤柱,及海洋公園線果班。 「10mins屯門出旺角」 但小巴佬能夠用架小巴做到飄移喎~!我坐過架旺角入荃灣小巴,晌美孚甩尾。架住由荃灣出佐敦,架小巴晌青山上落片灣。如果大家有幸既話,可留意一架行彩虹之荃灣van仔。 架van仔有Recaro桶seat,真皮三幅呔盆, 短波棍頭,有地毯,有成set
Kenwood音響連大喇吧+subwoofer。有個胡so佬渣。果次簡直係我生以黎撘van仔最高響受。 香港迪士尼如果要整個有香港特色過山車,可以考慮以van仔為藍本。又或者搵一批香港van仔,重新包裝車廂用來作香港迪士尼專車,等D遊客未到迪士尼已經知咩叫刺激,知到香港迪士尼唔係小野。 「公路最高速理輪」 唔係Initial D Toyota AE86,唔係秋名下坡道!係16座位 Toyota Coaster,係青山公路,屯門公路,龍翔道,同西九龍走廊! 大家有冇發現佢地唔止行車快?上落客都快。 有時夜晚撘Van仔,司機永無停定俾你上車,我要首先自己助跑幾步,架車開定門駛到埋我身果陣就順勢跳上車。當司機大佬"feel"到你只要有其中一隻腳係踏左上車時,佢地就即刻加油去。
而我上了車之後亦甚少雖要用自己既腳力行去座位。因為佢一加油時,架車既去勢同衝力已經將我"fing"到去最近既座位道。緊緊既將我背隻黐晌椅背上面。 同樣地晌落客時,D司機永遠唔使拉開門手制。佢地既車速+急剎已經可以將度車門彈開。個客就因為急剎既衝力好自然會由車尾被"送"到車門位置。跟住快手比錢然後跳車。個動作十足十二次大戰美軍第101空降師。所以搭得多小巴可以做雷霆傘兵。同埋大家記住,以佢地既"效率",上車果陣你已經要準備定嗌"有落"。 所以小弟最近買左新車但未諗到放咩裝飾品上去! 而家諗到啦:- 我會晌車頭玻璃掛個寫住「旺角至荃灣千色店」既膠牌,型爆高速既像徵! 小巴佬使乜空氣動力學呀? 小巴佬使乜定風翼! 小巴佬使乜大包圍! 小巴佬使乜19吋合金鈴! 小巴佬使乜VTEC! 小巴佬使乜快cam! 小巴佬使乜大尾牙! 小巴佬使乜氣蕉+中至尾候! 小巴佬使乜防滾架! 小巴佬使乜搭頂吧! 小巴佬使乜咬牙避震! 小巴佬使乜米芝蓮! 遇著小巴佬, Type-R行埋一二角,一係就落車然後上埋架小巴﹔小巴佬載晒你陷家上車都快過你一個渣。D人壽保險電視廣告應考慮用坐小巴黎做題材。 "澳門可以開個小巴方程式大賽!" 26-10-2004 |
|
如 網 友 有 任 何 意 見 或 想 發 表 評 論 , 請 按 這 處 |
|
Revised: 25 October 2004