P C 昔 日 評 論 !
|
|
無民主 |
|
想借台灣民眾暴亂，抹黑民主既左仔土共，我可以好肯定咁講，你地會話，睇下民主原來就係咁樣，乜野選唔倒就用暴力，輸打嬴要，乜野比香港有民主，香港就會好似台灣咁，滿街暴民啦! 首先，我地睇下無民主既地方，係唔係就唔會有暴亂先，睇睇依拉克而家，那些人出動火箭發射器，榴彈炮同美軍打個你死我活，又關唔關民主唔民主事呢?另外，我地偉大既祖國，響六四既時候，人民和平示威，而我地偉大既黨，以為人民服務為口號既中央人民政府，出動到坦克車，軍隊去對付和平請願既人民，咁又關唔關民主事呢?
我可以好大膽咁講，由於台灣有民主，所以，政府先至唔會出動更加強大既武力去對付示威，因為佢地驚如果攪大左，之後點收科?到選舉既時候，點去面對選民，所以，台灣警方最多都係出動水炮，而示威者之中，有人出動氣油彈，而唔出動槍炮，或者更嚴重既暴力去表示不滿，全部都因為佢地知道，就算今次唔成功，陳水扁做多一屆就要拜拜，呢個人民認受性低既政權唔會長久，所以那些示威者都唔需要採取更激烈既暴力去進行抗爭。所以，民主唔單止令到人民可以有權選擇佢地既領袖，更加可以將暴力減至最低。 好話唔好聽，假如香港他日真係出現暴力抗爭，並唔係因為有民主所至，而係因為香港人實在無辦法去用合法既手段去對抗政府，因為就算政府做得比而家仲要衰多十倍，香港人都無任何合法既手段，去將呢個不稱職既領導趕落台。所以，假如香港真係出現暴民，完全都係因為無民主做成，而唔係因為有民主。 (From : 肥豬) 14-4-2004 |
|
|
|
|
|
|
|
Revised: 10 April 2004