|
幾年前聽過有人咁樣評論董建華：
讀書又唔叻；
工作冇成就；
生意又失敗；
管治又無能；
一個成世失敗的人！
再加埋唔衰得的董太枕頭狀，修身、齊家？唔掂！
成個香港亂七八糟，民聲頂沸，管治有幾無能？治國、平天下？睇下香港有邊瓣董建華冇攪 "喎" 過：
八萬五叫人買樓 － 全個地產業無得翻身，成就了一個香港獨有階層：負資產
母語教學 － 分化教育界，高官仔女讀英文，平民讀母語
數碼港 － 本來想益自己友，益唔到，攪殘埋IT界
大雄寶殿觀光廣場 － 佛教唔妥你，封山攪對抗
大學教育經費分唔掂 － 大學生冇理想，掃地都冇人請
特首叫人創業，啊松叫人煲老火湯 － 幾十年經驗都死！無厘頭去創業，同跳樓無分別
仙股事件 － 馬時亨一句冇睇過文件推晒，小股民投訴無門
減綜援 － 老人家冇啖好食，但係又話老有所依
啊松加首次登記稅而自已就偷步 － 激起車行公憤，去報館玩篤爆
醫管局山頭主意 － 全港醫護裝備不足下作戰，六位醫護因公殉職
肺炎失控 － 全球最高死亡率，整個旅遊業死晒
語文基準試 － 老師冇晒尊嚴，要乞求教職
廿三條 － 天主教和法律界講明叫人上街
掃把頭偽造民意匯編 － 法律界譁然
新界的士亂減價 － 導至新界的士慢駛
失業率、自殺率、出生率都破晒歷史紀錄 － 全港市民short short地
廣管局警告，陷害忠良 － 大班封咪，傳媒言論自由受制
由一歲到一百歲，訓街到陳四萬，有邊個唔係因為董建華的愚昧兼小器而受罪？
以上內容由網友提供。
31-7-2003
|
